Soal UAS Bahasa Daerah XI SMK

 A.    Pilihen salah siji jawaban sing bener!

 

1.      Jinise puisi Jawa modern (gagrag anyar) sing panulisane ora kaiket anane paugeran-paugerane kaya ing tembang diarani ………..

a.       Parikan

b.      Geguritan

c.       Paribasan

d.      Wangsalan

e.       Cangkriman

2.      Sing diarani struktur teks geguritan yaiku …………

a.       Pesen moral kang kinandhut ing sajroning geguritan

b.      Unsur – unsur kang kudu ana ing sajroning teks geguritan

c.       Tembung-tembung sing kudu digunakake jroning geguritan

d.      Tatacarane negesi isine geguritan kanthi wutuh lan bener

e.       Unsur-unsur kang bisa nyengkuyung tumrap isine geguritan

3.      Ing ngisor iki sing kalebu struktur fisike geguritan yaiku …………..

a.       Tema

b.      Sikepe panggurit

c.       Pesen lan amanat

d.      Gegambarane pancadriya

e.       Penganggone wirama

4.      Ing ngisor iki sing kalebu struktur batine geguritan yaiku …………

a.       Pamilihing tembung

b.      Penganggone baya Bahasa

c.       Perasaane panggurit

d.      Penganggonane wirama

e.       Tatacarane nulis geguritan

5.      Kanggo ngerteni maksud lan isi sawijine geguritan bab-bab sing kudu dilakoni yaiku ………

a.       Maca geguritan sing saakeh-akehe

b.      Negesi tembung-tembung kang utama

c.       Nulis geguritan ing kertas liya

d.      Olehe maca geguritan kudu sing banter

e.       Blajar gawe geguritan sing sedherhana wae

6.      Pitutur utawa piwulang apa wae sing kepingin diandharake dening panggurit marang pamaca lumantar geguritane diarani ……………..

a.       Tema (underan)

b.      Lelewane basa

c.       Pesen lan amanat

d.      Perasaane panggurit

e.       Gegambarane pancadriya

7.      Upacara adat tingkeban utawa mitoni iku dianakake kanthi tujuwan kanggo ………………….

a.       Ngirim arwahe para leluhur

b.      Njaluk supaya diparingi udan

c.       Ngurmati arwahe para leluhur

d.      Keslametane calon jabang bayi

e.       Ritual khusus tumraping wanita

8.      Jinise upacara adat ing ngisor iki sing ana gegayutane karo manungsa (wong) yaiku ……………

a.       Tedhak siten

b.      Sedhekah bumi

c.       Ruwatan

d.      Suran

e.       Nyadran

9.      Jinise upacara adat ing ngisor iki ana gegayutane karo alam yaiku ………………..

a.       Brokohan

b.      Sepasaran

c.       Telonan

d.      Nyadran

e.       Tolak balak

10.  Jinise upacara adat ing ngisor iki sing ana gegayutane karo kapercayan yaiku …………

a.       Ruwatan

b.      Tingkeban

c.       Selapanan

d.      Tolak balak

e.       Sedhekah bumi

11.  Jinise upacara adat sing tujuwane kanggo ngaturake rasa syukur sarta nyuwun pandonga slamet marang sakabehing warga desa diarani …………

a.       Sedhekah bumi

b.      Tedhak siten

c.       Ruwatan

d.      Nyadran

e.       Selapanan

12.  Jinise upacara adat jawa kanggo mangayubagya kelairane si Jabang bayi diarani ………….

a.       Tingkeban

b.      Brokohan

c.       Selapanan

d.      Tedhak siten

e.       Sepasaran

13.  Sawijine upacara sing dianakake tumrap bocah/wong sing dianggep sukerta (upamane: bocah ontang-anting, bocah sendhang kaapit pancuran, bocah kendhana-kendhini, lan sapanunggalane) yaiku ………

a.       Ruwatan

b.      Nyadran

c.       Suran

d.      Brokohan

e.       Tolak balak

14.  Jroning tata urutan temu manten adat Jawa, nalikane manten lanang ngidak endhog pitik nganti pecah diarani upacara……………

a.       Papag toya

b.      Balang gantal

c.       Wiji dadi

d.      Bobot timbang

e.       Tanem jero

15.  Jroning tata urutan temu manten adat Jawa, sing diarani upacara kacar-kucur yaiku………..

a.       Manten lanang nyuntak beras kuning lan sapanunggalane ing pangkone manten putri

b.      Manten kekarone lungguh ing pangkone ingkang rama kanthi ditimbang bobote

c.       Manten kekarone dituntun rama lan ibu menyang kwadhe sarana kaya digendhong

d.      Manten kekarone padha salaman kang ditempukake dening sang pujangga jemuk

e.       Rama lan ibu saka manten kekarone padha lungguh ing kursi sakiwa tengene penganten

16.  Jroning tata urutan lumakune upacara mitoni utawa tingkeban, ana sawijine kagiyatan siraman utawa adus mujudake symbol upacara kang tujuwane kanggo……………….

a.       Aweh tuntunan kabecikan marang tangga teparone

b.      Panyuwunan muga-muga bayi sing lair bisa lancer

c.       Ndedungo muga-muga bayi sing lair duwe sipat becik

d.      Nggangsarake bayi sing lair ora ana alangan apa-apa

e.       Ngresiki jiwa ragane sarta ngilangi sakabehing sukerta

17.  Sing diarani pranatacara yaiku………..

a.       Wong sing nlagi nindahake mbabar sawijine perkara

b.      Wong sing tugase ngatur lumakune sawijine adicara

c.       Reroncening adicara ing sawijining adicara tartamtu

d.      Rantaman adicara sing kudu ditindakake ing pahrgyan

e.       Wong sing jejibahane tukang nganakake pawiwahan

18.  Jroning madeg dadi pranatacara becike basa sing digunakake yaiku basa……………..

a.       Ngoko lugu

b.      Ngoko alus

c.       Krama lugu

d.      Krama alus

e.       Dhialek

19.  Jroning nindakake pranatacara perangan kapisan kanggo miwiti sawijine adicara diarani………….

a.       Pambuka

b.      Pakurmatan

c.       Wasana basa

d.      Rantaman baku

e.       panutup

20.  Sing kudu diandharake dening pranatacara jroning pambuka yaiku……………

a.       Atur panuwun marang kawigatene

b.      Nyuwun ngapura yen ana kaluputan

c.       Bakune adicara sing bakal ditindakake

d.      Atur pakurmatan marang sing rawuh

e.       Gawe dudutan bab sing diandharake

21.  Ing ngisor iki kang minangka dadi struktur teks pranatacara yaiku…….

a.       Pambuka, isi, lan pangarep-arep

b.      Tema, pambuka, isi, panutup

c.       Pakurmatan, pambuka, panutup

d.      Pambuka, rantaman baku, lan panutup

e.       Pambuka, isi/karep, lan panutup

22.  Ing ngisor iki kang minangka dadi structure teks tanggap awacana yaiku…………..

a.       Pakuramatan, pambuka, panutup

b.      Pambuka, isi, lan pangarep-arep

c.       Tema, pambuka, isi, panutup

d.      Pambuka, isi/karep, lan panutup

e.       Pambuka, rantaman baku, panutup

23.  Ing ngisor iki mujudake tujuwane wong medhar sabda, kejaba……..

a.       Aweh pisungsum marang sing ngrungokake

b.      Aweh ular-ular marang wong sing ngrungokake

c.       Aweh panglipur marang sapa wae sing ngrungokake

d.      Aweh daya pangaribawa marang sing ngrungokake

e.       Aweh pangerten/kawruhmarang sing ngrungokake

24.  Penganggone basa ing ngisor iki sing paling trep yaiku………………

a.       Ingkang panjenengan aturaken kalawau kula dereng mangertos

b.      Panjenengan kalawau sejatosipun rak sampun kula dhawuhi ta?

c.       Bilih anggen kula matur wonten kalepatan, kula nyuwun duka

d.      Nyuwun pangapunten anggen kula rawuh kalawau radi kasep!

e.       Kula wau nembe dhahar lan ngunjuk wonten dalemipun eyang

25.  Yen kepengin dadi pranatacara apadene pamedharsabda sing becik saora-orane kudu ngerti anane………….

a.       Olah rasa, olah swara, lan olah sastra

b.      Olah swara, olah busana, lan olah sastra

c.       Olah raga, olah wirama, lan olah rasa

d.      Olah swara, olah kridha, lan olah busana

e.       Olah basa, olah kridha, lan olah swara

26.  Jroning nindakake pranatacara apadene medhar sabda bab-bab sing kudu ditindakake yaiku………………..

a.       Becike ulate mbesengut wae

b.      Swarane sing paling becik banter

c.       Obahe awak kudu digawe-gawe

d.      Bisa njumbuhake kahanan/swasana

e.       Ora perlu nggatekake lagune swara

27.  Rerangkening crita/konflikpara paraga(tokoh)saka wiwitan nganti pungkasan jroning pagelaran drama diarani………..

a.       Tema

b.      Amanat

c.       Dhialog

d.      Alur

e.       Seting

28.  Wewatakane paraga jroning drama bisa di deleng saka…………..

a.       Setinge

b.      Pirembugane

c.       Sutradharane

d.      Slure

e.       Naskahe

29.  Ciri khase teks drama yaiku dumunung ing…………..

a.       setinge

b.      pirembugan

c.       temane

d.      amanate

e.       paragane

30.  Gegambarane panggonan dumadine crita, wektu, dumadine crita, lan swasana utawa kahanan jroning crita drama diarani ……………………..

a.       Alur

b.      Seting

c.       Wewatake

d.      Amanate

e.       Pirembugane

31.  Bakune gagasan jroning crita drama diarani………………..

a.       Tema

b.      Alur

c.       Seting

d.      Dhialog

e.       Amanat

32.  Ukara ing ngisor iki sing kalebu ukara andharan yaiku……………

a.       Tulung, aku jupukna banyu sagelas wae!

b.      Muga-muga adhik mengko gelem mulih!

c.       Bukune Anis mau koksimpen ing ngendi?

d.      Geneya adhikmu mau kok ora sida ndherek?

e.       Mas Bagus mau diutus bapak tuku sepatu

33.  Saben malem minggu ing daleme Pak Lurah dianakake gladhen nembang macapat. Ukara ing dhuwur kalebu jinise ukara………………..

a.       Andharan

b.      Prentah

c.       Pitakon

d.      Sambawa

e.       Sananta

34.  Ing kene saki lagi umum …………(lara) DB, mulane para warga padha kerja bakti ……….(resik) lingkungan.

a.       Lara-lara, resik-resik

b.      Lelara, resak-resik

c.       Lara-lara, reresik

d.      Lelara, resik-resik

e.       Lora-lara, resik-resik

35.  Adhedhasar alluring crita drama, perangan sing ngandharake wiwit anane pradondi (pertikaian) ing antarane para paraga diarani tataran………….

a.       Pengenalan

b.      Cecongkrahan

c.       Klimaks

d.      Peleraian

e.       Ngudhari masalah

36.  Reriptan sastra kang panulise kaiket anane paugeran tartamtu lan cara pamacane kanthi dilagokake diarani……………

a.       Parikan

b.      Tembang

c.       Geguritan

d.      Wangsalan

e.       Paribasan

37.  Tetembungan utawa unen-unen sing memper cangkriman nanging batangane wis dikandhakake ing ukara candhake diarani………….

a.       Parikan

b.      Tembang

c.       Geguritan

d.      Wangsalan

e.       Paribasan

38.  Pambukane skar sarwa manis. Ukara ing dhuwur mujudake tembung wangsalan kanggo nyasmitani tembang………………

a.       Sinom

b.      Pucung

c.       Asmaradana

d.      Maskumambang

e.       Dhandhanggula

39.  Gatekna wangsalan ing ngisor iki!

Gayung sumur, kewan gung granane dawa. Aja kemba, mangesthi salering karya. Jroning wangsalan ing nduwur tembung gayung sumur lan kewan gung granane dawa tegese…………..

a.       Amba ; kewan

b.      Timba ; gajah

c.       Amba ; gajah

d.      Memba ; gusti

e.       Amba (jembar) ; esthi (temen)

40.  Kaendahan reriptan kang awujud geguritan kuwi dumunung ing………………

a.       Pilihane tembung sing angel dingerteni

b.      Nggunakake basa-basa Jawa kuna

c.       Wewujudane kudu manut paugeran

d.      Pilihane tembung kudu mentes lan mantesi

e.       Tata rakite ukara kudu nggunakake basa baku

 

B.  Wangsulana kang patitis!

1.    Sebutna apa wae kang kalebu strukutr fisike geguritan!

2.    Sebutna jinise upacara adat sing gegayutan karo alam!

3.    Sebutna struktur teks pranatacara!

4.    Sebutna apa wae sing kalebu strukture teks drama!

5.    Ukara ing ngisor iki tulisen nganggo aksara Jawa!

a.       Jagung mung bobot 45 kintal.

b.      Karna jagat trus manunggal.

KUNCI JAWABAN

1.      B

2.      E

3.      E

4.      C

5.      A

6.      C

7.      D

8.      A

9.      E

10.  A

11.  A

12.  B

13.  A

14.  C

15.  A

16.  E

17.  B

18.  D

19.  A

20.  A

21.  D

22.  D

23.  A

24.  A

25.  B

26.  D

27.  D

28.  B

29.  D

30.  B

31.  A

32.  E

33.  A

34.  D

35.  B

36.  C

37.  D

38.  E

39.  B

40.  D

Wangsulan :

1.      Pamilihing tembung, penganggone majas / gaya Bahasa, penganggonane wirama lan purwakanthi.

2.      Sedhekah bumi, tolak balak.

3.      Pambuka, rantaman bakune adicara, panutup.

4.      Plot/Alur, Pawatakane paraga (tokoh), pacelathon/pirembugan(dhialog), seting/latar, underan/tema, pesen lan amanat.

5.      A. ꧋ꦗꦒꦸꦁꦩꦸꦁꦧꦺꦴꦧꦺꦴꦠ꧀꧇꧔꧕꧇ꦏꦶꦤ꧀ꦠꦭ꧀

A.  ꧋ꦏꦂꦤꦗꦒꦠ꧀ꦠꦿꦸꦱ꧀ꦩꦤꦸꦁꦒꦭ꧀